مصيبه رش الكلاب بالمياة فى الحر

مصيبه رش الكلاب بالمياة فى الحر.
تحديث … اولا انا لا اقصد بكلامى الرش بالرزاز . Misting . انا اقصد رش الكلاب الخرطوم و ايصلها لمرحلة البلل.
ثانيا كلامى كله موجه ناحية الكلاب ذات الفرو المزدوج double coat.
بقالى فترة بحاول افتكر اكتب مقال صغير عن المصيبة دية و اللى معظم مربين الكلاب فاكرينها حاجه مفيدة .
يا حمااااعه رش الكلاب بالمياه قاااااتل.
تعالوا اشرحلكوا ازاى .
اولا رش الكلاب .
الكلاب مش بتعرق زينا من مسام فى جسمها عشان تخرج منه العرق فيقلل درجه حرارة الجسم . الكلاب عندها اماكن تاية زى اللسان للتبريد و مخدات الارجل للعرق .
ولكن الكلاب و بزات اللى شعرهم طويل . لما تيار هوا و لو بسيط بيعدى بين طبقات الشعر الكثيف ده . بيبرد الجسم و بيعمل كعازل من الشمس كمان. و الناس مثلا اللى عندهم كوكيجن و الاباى اكتر ناس تلاحظ الكلام ده لان الكلاب دية بتعبش فى درجه حرارة مرتفعه فى موطنها الرئيسي فى الصيف.
فساعدتك لما بترش الكلاب و تغرقها بالماية انت كده ببساطه كانك حطيطه جوا كيس بلاستك و قفلت علية .
مفيش تيار هوا هيعدى و الجسم مش هيعرف يفرغ الحرارة بسبب الطبقة العازلة من الماية .
طبعا الماية مش بتتبخر بسهولة. المياة محتاجه درجه حرارة عالية عشان تتبخر . فبالتالى لازم تفضل لحد ما تسخن و بعدين تبتدى تتبخر . و ده بيرفع من درجه حرارة الكلب بصورة خطيرة….
الاماكن اللى مستحب بللها هى الابط و البطن و مخدات الارجل .
هيجي واحد يقولى ده لما كلب بيجيلة احتباس بنرشه بالماية. يبقى ازاى رش المياه وحش . ؟ ؟
هقولة لا .. مش بنرشه بنغرقه و نفضل فاتحين علية الماية عشان الماية تاخد من درجه حرارة جسمة و تنزل و تتجدد يمياة ابرد . زى بزبط التبريد بالمياة جوة دورة العربية. انما مش بحط شوية مياة و اسبهم و امشى.
ثانيا رش البوكسات و الارضيات.
دلوقتى لو رشيت البوكس و الارضيات فى الحر كل اللى انت بتعملة هو انك بتزود نسبة الرطوبة جوا البوكس . و ده هيأدى برضه لارتفاع درجه الحرارة. لان فى اثناء التبخر بيوصل الوسط المائع داخل البوكس الى ما يسمى بمرحله التوازن . Equilibrium state.
و اى مهندس فاهم يعنى اية المرحله دية . يعنى معدل التبخر يصبح بنفس معدل الترسيب و ساعتها البوكس بيقلب ولعه لان درجه حرارة البخار بتكون اسخن من حرارة الجو اصلا. زى بزبط لما تبقى فى اسكندرية و درجه الحرارة ٣٥ بتحس انها نفس احساس درجه حرارة ٤٠ فى القاهرة بسبب الرطوبة العالية .
رش الارضيات فقط فى حاله ان يكون فى تيار هوا يحافظ على تجدد الهوا ( الوسط) بتاع البوكس عشان ميوصلش لمرحلة التوازن . بس فى الحاله دية يكون الرش صح .
و نوضع فى الاعتبار ان كل ما كان سقف البوكس واطى . كل ما زاد خطر رش البوكس لان كده دورة الهوا اصغر فبنوصل لمرحلة التوازن اسرع. و ده لان الهوا الساخن بيرتفع للاعلى و فى تلك الحالة اصلا مفيش مجال للهوا انه يتجدد او يبرد و ينزل للاسفل .
ايام الحر كل المطلوب منك تهوية جيده للمكان حتى و ان كانت درجه الحرارة عالية . و مياة دايما قدام الكلاب و يفضل لو نحط محلول جفاف بدون طعم فى المياة . و لو قدرت تحط مكعبات تلج فى المياة كل شوية بس مش بكمية عشان متتعبش الكلب و عشان ميوقعهاش عشان يقعد فيها .
يا ريت كلامى يكون نفعكوا و وضح نقطه مهمة جدا و خطاء كبير بيقع فية ناس كتير.
ياريت شير عشان المعلومه توصل لاكبر قدر من الناس .